«Ուսումնական աշուն» նախագիծ։ Դիլիջանի քաղաքային այգի
Աշնանային արձակուրդներին մենք գնացել էինք Դիլիջան, որտեղ այցելեցինք քաղաքային այգի։ այն նոր էին վերանորոգել և ամեն ինչ սիրուն էր։
Դիլիջանի քաղաքային այգու մուտքը սկսում է ճարտարապետական հետաքրքիր լուծումներով շինությունից. Տավուշի մարզում առաջին Զբոսաշրջային տեղեկատվական կենտրոնն է, որի բացումը նույնպես կայացել է օգոստոսի 17-ին:Կենտրոնի գլխավոր նպատակներից է բարձրացնել Դիլիջան Ազգային պարկի եւ հարակից բնակավայրերի զբոսաշրջային գրավչությունը եւ դառնալ տարածաշրջանում զբոսաշրջության եւ հանգստի հետ կապված միջոցառումների համակարգման գլխավոր հարթակ:
Այգում կային շատ ատրակցիոններ։ Այստեղ է գտնվում VereV պարանայգին, որը կդառնա սոցիալական ձեռներեցության նոր մոդել Դիլիջանում՝ պահպանելով հանրային կանաչ տարածքները եւ ստեղծելով նոր միջավայր ակտիվ սպորտաձեւերի եւ էկոտուրիզմի սիրահարների համար: Այգու տարածքում ամբողջությամբ պահպանվել են եւ վերամշակվել կանաչ տարածքները, կառուցվել է բասկետբոլի համար նախատեսված խաղադաշտ եւ համայնքային տարբեր միջոցառումների համար բացօթյա թատրոն, հատկացվել է նաեւ սեղանի թենիսի համար տարածք:
Մենք այնտեղ մի լավ զբոսնեցինք, խաղացինք, ես նույնիսկ բարձրացա ալպինիստական պատով։ Աշունը շատ գեղեցիկ ու ջերմ էր Դիլիջանում։