Դոնալդ Բիսեթ․ ցանկությունների ծառը
Մի ծառ կանգնած էր այգում: Արևի շողերն ընկնում էին նրա վրա, քամին թեթև վազվզում էր ճյուղերի միջով, իսկ տերևները շշնջում էին. «Ցանկություն,ցանկություն, ցանկությու՜ն պահիր»:
Ծառը սովորական չէր, կախարդական էր: Ով կանգներ ծառի տակ ու ցանկություն պահեր, նրա ցանկությունը կկատարվեր:
Ծառի կողքին մի տնակ կար: Տնակում մի գիրուկ ծերուկ էր ապրում: Նրա անունը Ուիլիամ Քեդոգան Սմիթ էր: Նա օճառ էր վաճառում գյուղի խանութում և չէր սիրում փոքրիկ տղաներին ու աղջիկներին:
Մի օր նա կանգնեց կախարդական ծառի տակ ու ասա- Ուզում եմ, որ մեր թաղում ապրող բոլոր աղջիկներն ու տղաները հայտնվեն Լուսնի վրա:
Հենց նա այս բառերն ասում է, բոլոր տղաներն ու աղջիկները հայտնվում են Լուսնի վրա:
Այնտեղ ցուրտ էր ու տխուր, փոքրիկները սկսում են լաց լինել: Բայց նրանք այնքան հեռու էին, որ մայրիկները չէին կարող լսել նրանց ձայները:
Հենց որ երեխաները հայտնվում են Լուսնի վրա, ծառի վրայի բոլոր թռչունները էլ չեն երգում:
Իսկ մի կեռնեխ նայում է պարոն Սմիթին ու ասում.
-Ես ուզում, եմ, որ բոլոր երեխաները նորից վերադառնան:
Պարոն Քեդոգան Սմիթն ասում է.
-Ուզում եմ, որ Լուսնի վրա հայտնվեն: Իսկ կեռնեխը` «Ուզում եմ, որ վերադառնան»:
Երեխաները գնալով ավելի ու ավելի են շփոթվում, չեն հասկանում, թե որտեղ են` Երկրի՞, թե՞ Լուսնի վրա:
Պարոն Սմիթը ոտքը խբեց գետնին ու ասաց. «Ուզում եմ… », բայց չհասցրեց շարունակել, որովհետև կեռնեխը շատ արագ ասաց. «Ուզում եմ, որ պարոն Սմիթը բարի դառնա»:
Եվ պարոն Սմիթը, ով հենց նոր պատրաստվում էր ասել. «Ուզում եմ, որ բոլոր երեխաները հայտնվեն Լուսնի վրա», հանկարծ միտքը փոխեց, քորեց գլուխն ու ասաց.
-Ուզում եմ, որ բոլոր երեխաները կեսօրին գան ինձ հյուր` թեյ խմելու, մենք թխվածք կուտենք ու նարնջի հյութ ու լիմոնադ կխմենք: Իսկ ես այլևս օճառ չեմ վաճառի, փոխարենը հրուշակեղենի խանութ կբացեմ, թող բոլորն ինձ Ուիլիամ Քեդոգան Սմիթի փոխարեն պարզապես Բիլ Սմիթ ասեն: Հեյ-հո՜, հեյ-հո՜:
Նա երեք անգամ գլուխկոնծի տվեց, իսկ ծառի վրայի թռչունները նորից սկսեցին երգել:
Արևը շողում էր, քամին կամացուկ վազվզում էր ծառի ճյուղերի մեջ, իսկ տերևները շշնջում էին. «Ցանկություն,ցանկություն, ցանկությու՜ն պահիր»:
Առաջադրանքներ
- Դուրս գրիր անծանոթ բառերը և բացատրիր։
- Սևացրած բառերում գծիկների փոխարեն դիրի պակասող տառը։ Գրելուց հետո քեզ ստուգիր բառարանով։
միջով
կողքին
աղջիկներին
խբեց
հանկարծ
կեսօրին
- Դեղնացրած բառերը դուրս գրիր, բաժանիր արմատ, ածանցի, ածանցներով նոր բառեր կազմիր։
ցանկություն-ցանկանալ-ություն, բարություն, ընկերություն
տնակ-տուն-ակ,բռնակ, աթոռակ, գնդակ
գիրուկ-գեր-ուկ, մանուկ, թզուկ, մարդուկ
փոքրիկ-փոքր-իկ, հնդիկ, մայրիկ, հայրիկ
կախարդական-կախարդ-ական, բնական, հնդկական
- Ինչո՞ւ երբ երեխաները հայտնվեցին Լուսնի վրա, թռչուններն էլ չերգեցին։
Թռչունները չերգեցին, որովհետև երեխաները ուրախություն են բերում և խաղ։
- Քո կարծիքով օճառ վաճառող ծերուկն ինչո՞ւ չէր սիրում երեխաներին։
Նա չէր սիրում երեխաներին, որովհետև նրանք աղմուկ էին անում , ուրախանում խանգարում։
- Եթե դու հայտնվեիր ցանկությունների ծառի տակ ի՞նչ տարօրինակ, բայց լավ ցանկություն կպահեիր։
Ես կցանկանայի, որ դպրոցներ լինեին, որ կարողանանք խաղեր խաղալ սովորել։